काठमाडौं । नेपाल नागरिक उडड्यन प्राधिकरण (क्यान) ले तारा एयरका दुई क्यापटेनको लाइसेन्स निलम्बन गरेको छ ।
शुक्रबार बिहान रामेछापस्थित मन्थली विमानस्थलमा हात हालाहाल गरेका तारा एयरका क्याप्टेन सन्तोष शाह र सञ्जीव श्रेष्ठको लाइसेन्स सस्पेन्समा परेको हो ।
ड्युटी आवरमै हात हालाहाल गरेका उनीहरुबारे थप अनुसन्धान हुने र कारवाही प्रक्रिया अगाडि बढाइएको प्रधिकरणका सूचना अधिकारी ज्ञानेन्द्र भूलले जानकारी दिए ।
उनका अनुसार शुक्रबार बिहान लुक्लाबाट मन्थली विमानस्थलमा जहाज अवतरण गराएका पाइलटबीच जहाजबाट झरेपछि हात हालाहालको अवस्था आएको थियो ।
तारा एयरले भने कम्पनीका कारण झगडा नभई उनीहरुको व्यक्तिगत कारणले झगडा भएको जनाएको छ ।
कम्पनीका प्रवक्ता सुदर्शन बर्तौताले उनीहरुबीच झगडाको विषयमा एयरले अनुसन्धान सुरु गरेको भन्दै विस्तृत विवरण आउन बाँकी रहेको जानकारी दिए ।
